Беларусь
  • 428
  • Беларусь перадусім!

    Ёсьць добрая беларуская прымаўка (арыгінал не агучваю), якую ў пераказе можна сфармуляваць так: — “Недасьведчаным палову працы не паказваюць”, — і той, хто працуе, гэта ведае. І ўсё-такі пару слоў сказаць трэба для людзей разумных, бо хлусьня, дэмагогія і дэзынфармацыя, накіраваная на эмацыйна несасьпелае грамадзтва і на ірацыянальную сьвядамасьць спажыўцоў прапаганды, дзейнічае фатальна. І абурацца тут бессэнсоўна. Хто можа — павінен зразумець.

    Ні беларусам, ні асабліва ўкраінцам нельга ахайваць Амэрыку і яе законна выбранага амэрыканскім народам прэзыдэнта Дональда Трампа. Ніхто ня мае права зьневажаць асобу і ганьбіць вялікую дэмакратычную краіну, ад якой залежаць лёсы сьвету. Усё, што робіць і што будзе рабіць прэзыдэнт Трамп, ідзе на карысьць Украіны і ўрэшце можа стаць яе паратункам. Нішто ня робіцца адразу, але па-парадку. Калі ёсьць задача і мэта зрабіць пабудову, яна будзе дасягнута, нават калі для прафанаў напачатку — гэта куча бярвеньняў.

    Беларусы мусяць сабе ўясьніць, што ў гэтым сусьветным падзеле, які пачаўся, нам трэба ацалець як нацыі і, перш за ўсё, зьберагчы нашу дзяржаву Беларусь. Гэта цяпер ёсьць наш галоўны стратэгічны нацыянальны інтэрас. Другі наш нацыянальны інтэрас — ня даць зацягнуць Беларусь у чужую вайну. І трэцяе — збавіцца ад акупацыйнага лукшысцкага рэжыму і разбуральнага уплыву Расеі.

    Калі дзейнічаць разумна, то цяпер адзіная краіна, якая магла б нам, беларусам, дапамагчы ўтрымацца і нават асягнуць будучыню, — гэта Амэрыка і прэзыдэнт Трамп. Нават Лукашэнка тут нешта сваё зразумеў пра палітыку Трампа, але гэтага ніяк не разумее калектыўная грамадзкая “вата” з савецкім складам думаньня (асабліва за мяжой), што ўчапілася за чужую дэмакратыю і чакае, што ёй за гэта дадуць, не паважаючы прэзыдэнта Амэрыкі.

    Перавага ў вайне пакуль што на баку Расеі, і зь мірнымі перамовамі будзе праблема. Але ўрэшце перамовы аб міры пачнуцца. Усё паварочваецца так, як казалі разумныя людзі. І цяпер, нават маючы ў грамадзтве калектыўную “вату”, якая нічога ніколі не разумее, беларусам трэба ведаць галоўнае:

    Нельга аблайваць і зьневажаць Беларусь, нельга бэсьціць сваю краіну перад чужымі, нельга называць антынародны антыбеларускі рэжым Лукашэнкі “белорусскім режімом”, бо гэта не беларускі рэжым; нельга называць народ “суагрэсарам”, бо ён не суагрэсар; нельга жадаць зла сваёй акупаванай краіне і заклікаць да санкцый супраць яе эканомікі, гандлю, транспарту, культуры і людзкага жыцьця; нельга заклікаць іншыя краіны кідаць бомбы на беларускія гарады, на Мазыр, на беларускі народ. Нельга быць самазабойцамі і дзікунамі, якія нічога ня ведаюць пра нацыянальныя інтарэсы.

    У нашых беларускіх нацыянальных інтарэсах (і, дарэчы, украінскіх), трэба, каб перамовы аб міры (калі яны будуць) адбываліся ў Менску, у Беларусі. У нашых нацыянальных інтарэсах, каб санкцыі супраць Беларуськалія былі зьнятыя ўзамен за вызваленьне тысячаў палітвязьняў, каб была разблакавана чыгунка да беларускага тэрмінала ў Клайпэдзе, каб былі выплачаныя кампэнсацыі за варожую палітыку эканамічнага блакаваньня Беларусі пад выглядам санкцыяў, каб амэрыканскія інвэстыцыі на ўзаемавыгадных умовах пайшлі ў прыбытковую і патрэбную для сьвету калійную вытворчасьць ў Беларусі.

    Усё гэта будзе. І будзе добра, калі ўладай і парадкам ў Беларусі будуць распараджацца не прамаскоўскія здраднікі і халуі, не прадажныя балбатуны і палітычныя гандляры, але свае беларускія, разумныя, і нацыянальна здаровыя дэмакратычныя людзі. Будучыня будзе (павінна стаць) толькі такой, беларускай і сваёй, бо іншай будучыні ў гэтых абставінах ня можа быць.

    14-03-2025 г.
    Зянон Пазьняк
    • нет
    • 0
    • 0

    10 комментариев

    avatar
    Ну и як вам гэта, панове? Пан Трамп сапраўды разблакуе нам чыгунку і аднавіць палеты з Мінск-2? Было б здорава!
    0
    avatar
    Ну и як вам гэта, панове?

    С ужасом читала думая что это Ваш текст. Ещё больший ужас накатил когда прочитала подпись.

    1. Америка уже плохо подходит под описание «демократичная».
    2. Многие эмигранты несмотря на то, что живут в цивилизации навсегда остаются приверженцами «сильной руки». Даже не знаю зачем уезжают, если все с чем боролись тянут с собой.
    3. Сохранить Беларусь, не участвовать в «чужой»войне и при этом избавиться от Лукашенко — на мой взгляд беларусы все это проходили в 2020 году. Как можно называть украинскую войну чужой, если украинцы воюют против наших врагов? Против того, что держит режим Лукашенко. Или автора устроит смена режима Лукашенко просто на другой режим?
    4. Снятие санкций за политзаключенных — Шарэнда-Панасюк в своем интервью после освобождения дала ответ на этот вопрос — нет!
    0
    avatar
    Это кто? Белорусский Тягнибок?
    0
    avatar
    Это кто? Белорусский Тягнибок?
    Сорамна ня ведаць сапраўдных герояш недалкага мінулага. Па самаму сабжу есць што сказаць — як наконт новых перамоваў ў Менску? Калі Трамп загадае ехаць ў Менск, як думаеце — Вова ды Валодзя пагадзяцца?
    0
    avatar
    Нэ хвылюйтеся! Колы що ВВП здасть Вас як свого друга Асада у тому роци!
    0
    avatar
    Пан Уладзімір — адно пытанне — НАВОШТА??? 25 пастоў з ролікамі з Ютуба. І ніводнага галоўнага малюнка. НАВОШТА?
    0
    avatar
    Навищо? С малюнками проблема и с возможностью вставить ролики ещё больше.спросить не у кого, администратор исчез 6 лет назад. Печалька.
    0
    avatar
    У пана Адама чамусці атрымлііваецца — запытайце у яго. Ці пагуцгліце. А так проста вочы баляць
    0
    avatar
    администратор исчез 6 лет назад.

    За 6 лет Вы могли бы уже и научиться.
    0
    avatar
    Я тут ненадолго, просто были нормальные ресурсы, где даже гонорары были и модерация в виде бана за оскорбление спикера кои является лицом неприкосновенным. Но щас время сложное кто то в тюряжке сидит в Латвии, кто то убежал в РБ, все по разному.
    0
    У нас вот как принято: только зарегистрированные и авторизованные пользователи могут делиться своим мнением, извините.