Порна нацыяналізм.

Пытанні нацыяфармавання для Беларусі па-ранейшаму актуальныя, як і пытанне распаўсюду беларускай мовы. Беларускамоўная культура на працягу стагоддзяў даказала сваю жыццяздольнасць. Стагоддзямі, аж да сённяшняга дня яе знішчалі, але яна выжывала. Але гэтыя ганенні не прайшлі дарма: беларуская культура, мова, на сённяшні дзень, ператварыліся ў элітарныя, не даступныя асноўнай масе беларусаў. Не таму, што наша культура, адраклася ад народа, а таму, што русіфікаваны народ ад яе адрокся. Не будуць простыя людзі чытаць Акудовіча, Хадановіча, слухаць Вольскага, іх запатрабаванні, куды больш прызямлёныя.

І тут узнікае пытанне: а дзе ўласна, беларускае, беларускамоўнае порна? Не чытаючы Быкава і не цікавячыся гісторыяй Полацкага княства, сучасная моладзь цалкам можа паглядзець беларускую парнаграфію. Паглядзець і прасякнуцца.

Напачатку двухтысячных гадоў інтэлектуальны часопіс «Arche» выдаў свой нумар прысвечаны беларускай парнаграфіі. Прыкладна ў тыя ж гады Адам Глобус выпусціў кнігу «Толькі не гавары маей маці». Кніга «Сталінскія байструкі» — лёгкая эротыка. Порна матывы ў сатырычнай газеце таго часу «Навінкі». Больш ні чаго і не ўзгадаю… Да таго ж трэба ўлічыць, што гэта літаратура — прадукт, першапачаткова разлічаны на інтэлектуалаў. А што працоўны і калгасніца? Для іх толькі імпартны прадукт А дарма!

Нацыянальнае порна, на беларускай мове, можа стаць магутнай зброяй у нашым свеце масавай культуры. Простым людзям лягчэй «зойдзе» порна, чым фільм аб Янке Купале.

Звяртаюся, шчыра прашу, тых беларусаў, якія на дадзены час, ў масмедыя працуюць над папулярызацыяй беларускай мовы і культуры. Калі ласка! Зрабіце беларускамоўны порна сайт. Якасны. З порна фота і відэа, няхай нават і перакладным, з беларускай агучкай, эра і порна аповядамі, з зачыненым чатам для зносін. З часам з'явіцца і беларускі кантэнт, толькі ўжо не на вялікім і магутным, а на нашым, родным. Працаваць трэба не толькі з элітамі. А тут можна не толькі зрабіць карысную справу, але і грошай зарабіць. Такі сайт, кантэнт, зробіць сенсацыю ў Беларусі, прыцягне ўвага, зацікавіць.
Завывання будзе шмат з усіх бакоў. Але галоўнае вынік!
Хтосьці адважны павінен быць Першым! І ўвайсці ў гісторыю!